डोळ्यात माझ्या बघ तू
स्वप्न कशास म्हणावे
स्वप्नातुन माझ्या शिक तू
स्वछंद कसे जगावे
कानानी माझ्या ऐक तू
गीत कशास म्हणावे
गीतातुन माझ्या तू
सदैव बरसात राहावे
ओठानी माझ्या बोल तू
काव्य कशास म्हणावे
काव्यातुन सौन्दर्य माझे
तूच सख्या लुटावे
श्वासात माझ्या मला
तुझा गंध येतो
तुझ्या जाणिवेने
मला धुंद करतो
माझ्या अंगप्रत्यंगातुन
तुझा भास होतो
तुझ्याहून वेगळी कशी
हाच प्रश्न पडतो
Thursday, May 1, 2008
Subscribe to:
Post Comments (Atom)
No comments:
Post a Comment